--Ads--
Nadunor ti maysa a lalaki kalpasan ti napasamak nga aksidente idiay Narvacan, Ilocos Sur.
Ti biktima ket agtawen ti tallo pulo ket lima residente iti Baranggay Busel-Busel Santiago Ilocos Sur.
Basar iti imbestigasyon, agpapa-amianan ti motorsiklo ken idi nadanon na ti nakapasamakan ti insidente partikular iti kurbada a paset ti kalsada, nakigtot ti naka-motorsiklo idi masabat na ti maysa a Ford Eco Sport nga agturong iti bangir a direksion ket inagaw na ti linya ti motorsiklo.
Gapu dayta, natulid ti nagmaneho ti motorsiklo iti kalsada rason ti pannaka-dunor ti agduduma a paaset ti bagi na a dagus a naitaray iti balay pagagasan para ti naan-anay a pannakataming na.
-- ADVERTISEMENT --
