--Ads--
Naklaat ti amin idi bigla a naggaraw ken naguyek uray nakaimasayagen ti maysa a lalaki nga agtawen iti sangapulo ket siam nga immunan a naideklarar a brain dead kalpasan ti pannaka-aksidentena.
Nagsagrap iti nakaro a dunor ni Bhau Lachke ken dagus a naipaagas iti pribado nga ospital.
Segun iti pamilia, nabagaandan a kasla awanen ti tyansa nga agbiag ni Bhau, isu nga insaganadan ti pakaimasayaganna.
Nadismaya, nakapungtot ti pamilia ken kinasoanda ti ospital gapu iti saan a husto a diagnosis a nangipagarupanda a natayen ti miembro ti pamiliada.
-- ADVERTISEMENT --
Kalintegan met ti ospital, posible nga adda pannakaallilaw iti naaramat a termino a ‘brain death’ a ti kayatna a sawen ket pannakapukaw ti brain function ngem saanna kayat a sawen a natayen ti pasyente.
