--Ads--
VIGAN CITY – Dead on arrival ni Reynald Villamar Guzman, agtawen iti duapulo ket siam, baro, mannalon nga agnaed idiay Barangay Muraya, San Juan, Ilocos Sur ta naaksidente bayat iti panagmotorsiklona iti barangayda itay alas sais baente singko iti rabii (August 18, 2024).
Agpapadaya a direksyon ni Guzman bayat a nakalugan iti Motor Star 200CC motorcycle idin naawanan ti kontrol iti manibelana a gappuanan ti pannakaaksidentena.
Nakaru ti sinagaba a head injury ni Guzman isu a naipan iti Suero Hospital idiay Cabugao ngem naideklarar a dead on arrival babaen ti attending physician-na a ni Dr. Chita Suero.
Mapapati a nakainom iti arak ti driver iti motorsiklo ken saan a nagaramat iti helmet idi napasamak iti aksidente.
-- ADVERTISEMENT --
