--Ads--
VIGAN CITY – Natayen idi naisangpet iti pagagasan ti maysa a lalaki a mapapati a nauram.
Ti biktima ket ni Hermilo Andallo, agtawen ti innem a pulo ket innem, naasawaan, mannalon nga agnaed idiay Brgy. San Ramon, Magsingal.
Maibasar iti inisyal nga imbestigasyon dagiti pannakabagi ti linteg, napan ti biktima iti talonna iti nasao a lugar ket nagdalus ken mapapati a nagpuor a gappuanan iti pannakasuffocate-na ken pannakapukaw iti puotna.
Gapu iti dayta ket nauram iti dadduma a paset iti bagina ket naipan iti Magsingal District Hospital para iti panankatamingna ngem impakammo ti attending Physicianna a ni Dr. Rowena Dumag a natayen ti biktima.
-- ADVERTISEMENT --
