VIGAN CITY – Dead on arrival iti ospital ni Artemio Tabisaura Susa, agtawen ti uppat a pulo, mannalon nga agnaed idiay Brgy. Pussuac, Sto. Domingo gapu ti mapapati a napalalo a panaginomna iti arak.
Segun ken ni Eddie Susa a kabsat ni Artemio, impanda iti ospital ni Artmemio kaduana da Constantino Tababa ken Jomar Taban ngem saanen a nakaabot pay.
Idi rabii ti March 24, naginom ni Artemio ken ni Constantino Tababa idiay Barangay Nalasin iti nasao nga ili ngem iti panagturongna iti Brgy. Lussoc kangrunaan iti natayan ket inibusna iti maysa a botelya iti arak.
Naiturog ni Artemio iti nagtugawanna agingga napaidda iti baba isu nga impan ni Constantino iti kubo iti pagtaengan ni Jomar ngem iti parbangon ti March 25 ket idi riingendan ti biktima ket saan a nakapuot.
Gapu dayta, impanda ni Artemio iti ospital ngem naideklarara a natay.
