--Ads--
VIGAN CITY – Naipaagas iti ospital ni Danilo Fenis para iti naan-anay a pannakatamingna kalpasan iti pannakaaksidentena idi kalman idiay Bulala, Vigan City.
Iti pakauna nga imbestigasyon, mapapati a napaspas ti panagpatarayna iti traysikelna ta kamkamakamenna iti curfew hour ken mapapati a nabartek idinto a saanna a nakontrol ti manibela ti luganna ket naidungpar iti poste iti igid ti kalsada.
Gapu iti napigsa nga impact ti aksidente ket nadadael ti paset ti traysikelna ken nagsagaba iti dunor ti ulo ti biktima.
