Dead on arrival iti ospital ti maysa a maysa a lalaki gapu iti pannakapaltogna idiay Sitio Greenhills, Brgy. Elefante, Banayoyo Ilocos Sur iti oras iti 12:47PM idi kalman, May 10, 2025.
Ti biktima ket ni Marvin Ambaqued Singaben, agtawen iti uppat a pulo ket sia, driver nga agnaed idiay Barangay Poblacion, Banayoyo idinto a dagiti 2 suspek ket saan a nabigbig ngem naammoan a nagluganda iti color yellow mio motorcycle a ti driver ket naka-white ball cap, black jacket ken blue short pants idinto a ti backride na ket naka-black t-shirt ken ball cap.
Iti pannaki-uman ti Bombo Radyo Vigan ken ni PCpt. Medward Galay manipod Banayoyo Municipal Police Station, bayat ti panagay-ayam iti billiards ti biktima ken dua a kakaduana ket kellaat a dimteng dagiti dua a riding in tandem ket pinaltoganda iti namin-ano a daras.
Segun ken ni Galay, nagsagaba iti lima a gunshot wound iti naduma-duma a paset ti bagi ti biktima isu a naipan iti Candon City General Hospital ngem saanen a nakalasat pay.
Narekubre iti SOCO team manipod Ilocos Sur Provincial Crime Laboratory Office iti lima a basyo iti Cal. 45 ken maysa nga slug iti nakapasamakan iti krimen.
Kitkitaenen dagiti otoridad nu ania dagiti posible a rason nu apay a napaltogan ti biktima ket maysa nga anggulo a kitkitaenda ket iti nakairamananna a pammagkong idi November 11, 2023 nga isu iti nagbalin a biktima ket agingga ita manarimaan iti panagtaray iti nasao a kaso.
Nupay kasta ket saan a nakaaw-awat ti death threat ti biktima kas kinuna dagiti kameng ti pamiliana ta awan met ti naibagbagana kadakuada.
Kiniddaw ni Galay iti pannakitinnulong dagiti umili para iti pannakasapul dagiti suspek tapno maiserbi ti hustiya iti biktima.
VIDEO – PCPT. MEDWARD GALAY
