VIGAN CITY – Inlawlawag ni Feliciano Asierto a taga-Bulanos, Narvacan a saan nga isuna iti ama ni Giza Ladublan a maysa nga OFW a tubo idiay Dueñas, Iloilo City nga agsapsapul ti amana a taga-Abra.
Iti pannaki-iman ti Bombo Radyo Vigan ken ni Asierto, numan pay nagtrabaho idiay Alabang idi isuna gapu iti panangayab kenkuana iti gayyemna ket saan a naaddaan ti nobya a taga-Iloilo.
Inaminna a taga-Abra ti umuna nga asawa ngem idiay Pidigan ti lugarna isu a sigurodoenna a saanna a putot ni Giza.
Naaddaan man iti nakarelasyonna iti sabali pay a lugar ket idiay met Zamboanga ken nu maipapan met ti kinabbalayna ket taga-Laguna ta naaddaanda pay iti uppat nga annak.
Nupay kasta, tumultulong ni Asierto iti panangtunton ti pudno nga ama ni Giza ta nag-add friend ken nag-message pay isuna iti posible a kabsatna nga isu ni Guillermo Zabala Jr. ngem agingga ita ket awan pay laeng iti reply-na.
VOICE OF FELICIANO ASIERTO
