VIGAN CITY – Nakemmeg ti maysa a lalaki kalpasan a naisayangkat ti Anti-Illegal Drug Buy bust joint operation idiay Brgy IV, Vigan City.
Iti pannaki-uman ti Bombo Radyo Vigan kenni PLT. CoL. David Dulnuan, OIC ti Vigan Police Station, nabayagdan a sipsiputan ti nakemmeg a ni Alvin Pagala, agtawen ti uppat a pulo ket pito nga agnaed iti nasao a lugar.
Segun ken ni Dulnuan, ti suspek ket karaman iti listaan ti Regional Top Priority target ken PDEA target list.
Naala ti suspek iti maysa a piraso ti medium size ti heat sealed transparent plastic sachet ti buo a mapapati a shabu a nagserbi a buybust item, tallo a babassit a heat sealed transparent plastic sachet ti shabu a ti pakabuklan a gatad ket 13,600 pesos, lima ribo a pesos a buybust money ; maysa pay a maysa ribo a pisos a nakita manipud iti suspek , maysa a unit ti cloud phone nga adda sim card na ken maysa a tic tac container.
Iti agdama addan iti kustodiya ti suspek tapno dumalan ti husto a proseso ken naammuan a datin a naibalud ti suspect tawen 2017.
