VIGAN CITY – Patien ni Tinaan, Sta. Maria Barangay Kagawad Danilo Ambrocio nga agtawen ti innem a pulo a dagiti panagtakawan a nakairamramanan ni Reynaldo alyas Ronald Ambrocio Romero nga agtawen ti uppat a pulo ket innem a kanakan na iti rason nu apay a pinaltugan da idi rabii ti March 1 a poon iti nakatayan na.
Idi agsapa idi kalman, March 2 a nasarakan iti bangkay ti biktima iti kaunasan idiay Barangay Maynganay Sur, Sta. Maria nga adda tama iti paltog iti bukot na.
Segun ken ni Ambrocio, awan iti sabali a nakairamramanan ti biktima nga isu kuma iti atapen da a rason iti pannakapapatay na nu saan laeng a dagiti tinaktakawan na.
Nu pay adda dagiti panagtakawan a nakairamanan ti biktima, inpasigurado ni Police Captain Regin Cabico, hepe ti Sta. Maria municipal police station nga imbestigaran da a naimbag iti pasamak tapnu maamuan pay iti posible a rason iti pannakapapatay ti biktima.
