VIGAN CITY – Maysa a lalaki ti nanggandat nga agpakamatay babaen iti panagtapwakna ti maysa bubon idiay Brgy Parada, Sto Domingo.
Iti pannaki-uman ti Bombo Radyo Vigan ken ni Fire Inspector Glen Paat ti Sto Domingo BFP, nadanunandan ti biktima nga addan iti uneg ti bubon nga agkakapsoten ken nadunduno risu a bimmaban iti bubon kagiddan iti panangisiguradoda kadagiti kasapulanna nu man bilang marsuod ti lussob ta nakitada a saanen a nasayaat ti kasasad dagiti lussob.
Saan koma a kayat ti agpaibangkag ti biktima idi mapanda isalakan ta agngilngilangil ngem ginalutanda ket naingatoda met laeng ket naipan iti ospital para iti naan-anay a pannakatamingna.
Mapapati nga adda parikut ti agtawen-iti-limapulo ket siam ken naasawaan a biktima ngem agtultuloy ti imbestigasyon dagiti pannakabagi ti linteg no apay a ginandatna ti agpakamatay.
