--Ads--
VIGAN CITY – Nakemmeg ti maysa a lalaki iti search warrant operation idiay Bulag East, Bantay babaen ti nagtitipon a pwersa ti Ilocos Sur Police Provincial Office, PDEA Ilocos Sur ken Bantay Municipal Police Station.
Nabigbig ti suspek a ni Dante Osalvo a residente iti nasao a lugar.
Naala iti drawer ti pagtaengan ti suspek ti siam a sachet ti mapapati a shabu a naikabil iti maysa a bassit a pitaka nga adda kargana a bassit a lapis.
Datin a balud ti suspek gapu met laeng ti ilegal a droga ket adda isunan iti salinong ti kapulisan tapno dumalan iti husto a proseso.
-- ADVERTISEMENT --
