--Ads--
VIGAN CITY – Matamtaming iti balay pagagasan ni Dennis Asuncion, agtawen ti uppat a pulo ket tallo nga agnaed idiay Brgy. Don Dimas, Caoayan gapu iti dandani a pannakalmesna idiay Brgy. Nagpanaoan, Santa.
Indsigida a nagresponde dagiti kameng ti Santa Municipal Police Station iti nasao a lugar idi naipakaammo kadakuada ti nasao a banag ket nadanunanda ti biktima nga addan iti akin-laud a paset iti karayan.
Iti pakauna nga imbestigasyon, agiinom ti biktima kadua dagiti gaggayyemna idiay Brgy. Tamurong, Caoayan agingga idi napagtutulaganda a mapanda agdidigos iti karayan idiay Brgy. Nagpanaoan.
Daldaliasaten ti biktima ti karayan a mapan iti akin-laud a direkision idin ta nalmes ket insigida met nga inarayat dagiti kakaduana.
-- ADVERTISEMENT --
