VIGAN CITY – Lima a dunor iti sinagaba ni Carl Axel Geronimo, agtawen ti duapulo, baro gapu iti panangbagkong kenkuana ti maysa a menor de edad a kalugaranna idiay Brgy. Poblacion Sur, Salcedo, Ilocos Sur idi rabii di kalman September 13, 2021.
Segun ken ni PLt. Mark Bryan Corpuz iti Salcedo Municipal Police station, nakaawatda ti report nga adda iti pammagkong iti nasao a lugar isu a nagrespodeda.
Maibasar ti pakpaka-una nga imbestigasyon, adda ti saan a nagkinnawatan ti suspek ken inana isu a nagibettak iti helmet iti ruar ti pagtaenganda ngem nakita ti biktima ket kwinestyonaranna gappuanan ti panagsinungbatda.
Nasuron ti biktima isu a nangala ti tsinelas ket intungpana iti suspek a rason ti nakapungtotan ti suspek isu nga imbagkongna ti namin-ano a daras ti kutsilyo nga iggemna.
Naanawa dagiti nagannakda isu nga agpada da a naipan iti Ilocos Sur District Hospital-Salcedo para iti pannakatamingda, ket iti agdama nasayaaaten ti kasasaad ti biktima.
