VIGAN CITY – Dead on arrival iti pammagkong ni Antonio Galutan, agtawen iti limapulo ket tallo a taga-Brgy. Amguid, Candon.
Ti suspek ket nabigbig a ni Felimon Galutan, agtawen iti pitopulo ket maysa, adda rangkapna a residente met laeng iti nasao a lugar.
Napakaamoan ti Candon City Police Station nga adda pammagkong a mapaspasamak iti lugar ket idi dimmanun dagiti kapulisan, nakadasayen ti biktima a nagsagrap iti dunor idinto a ti suspek nga adda iti abayna ket kinemmeg dagiti pannakabagi ti linteg.
Segun ken ni Eduardo Uduyan, agtawen iti uppat a pulo ket myasa, nangngegna nga adda agpukpukkaw iti balay ti suspek ket idi napanna kinita, nasarakanna ti nadundunor a biktima.
Naala iti nakapasamakan ti pammagkong ti 16-inches a kutsilyo nga iggemen dagiti pannakabagi ti linteg tapno maidalan iti husto a proseso.
