VIGAN CITY – Agtaltalinaed pay laeng idiay Ilocos Sur Provincial Hospital- Gabriela Silang ni James Dela Cruz Tab nga agtawen ti sangapulo ket siyam a binagkong ti ama na a ni Felix Tab nga agtawen ti lima pulo ket innem, mangngalap nga agnaed idiay Barangay Alangan, Magsingal.
Segun ken ni Police Captain Mark Lagman, hepe ti Magsingal police station, saan a nagkinaawatan ti suspek ken ti biktima kabayatan iti panagin-inom ti suspek idi rabii nga isu iti nangbagkongan na ken ti putot na a nakadunuran iti bukot na.
Kabayatanna, kinuna met ni Marietta Tab a kanayon a karkaryaren ida ti asawa na ken pagpupudutan na ti iudyan nga anak da ta agim-imon kenkuana ta nu anya ngamin iti kayat ti biktima ket ikarkarigatan ni Marietta nga ited.
Agsipud iti napasamak, naidukit ni Marietta nga idi pay laeng sikog na iti inunaan nga anak da ket kabkabilen isunan ti asawa na a ni Felix ngem inan-anusan na laeng ta awan met iti sabali a katulungan na a mangpadakkel kadagiti annak na.
