VIGAN CITY – Kaso a frustrated paricide ti sangwen ti suspek a ni Gervacio Mati Cortez alyas Jerry, agtawen ti innem a pulo ket dua gapu iti panangbagkong na ti asawana a ni Maricel Lim Cortez, agtawen ti limapulo ket pito nga agpada nga agnaed idiay Brgy. San Jose, Candon City.
Segun ken ni Police Staff Sgt. Kristofer Calibuso, imbestigador iti Candon City PNP, awan ti naduktalanda a rason no apay a binagkong ti suspek ti biktima ngem ti laeng masansan a panagbartek ti suspek ti mapapati a kanayon a saanda a pagkinkinnaawatan nga agassawa.
Nadakamat ni Calibuso a hot pursuit operation ti nakakemmegan ti suspek agsipud ta sinapsapul da agingga iti kabangibang a lugar iti siudad ngem idi sinublyan da iti pagtaenganda, nakita da a nakatakder ti suspek iti maikadua a kadsaaran iti pagtaenganda.
Malaksid iti dayta, naala pay ti naaramat a kutsilyo iti pammagkong ngem nadalusanen ken awanen iti pagilasinan a nausar iti pammagkong.
