VIGAN CITY – Natayen ti maysa a lalaki a nadungpar iti maysa a Mitsubishi L300 van idiay Nagsupotan, San Juan.
Nabigbig ti biktima a ni Jeffrey Venenciano, agtawen iti tallopulo ket uppat a taga-Brgy. Nagsupotan, San Juan idinto a ti nagmaneho ti Mitsubishi L300 van ket ni Romy Sumay, agtawen iti tallopulo ket lima, ISECO lineman a taga-Dardarat, Cabugao.
Adda nakalinged nga Isuzu Elf iti laud a paset nga ayan ti biktima ket saanna a nasiputan idi bimmallasiw ti van a naggapu iti daya a nakadungpar kenkuana ken nagsagabaanna iti dunor ti ulo.
Nabtak ti sarming ti lugan idinto a ti biktima ket naipaagas idiay Pira Hospital, Cabugao ti biktima ngem naiyakar iti Ilocos Sur Provincial Hospital Gabriela Silang nga isu ti ayan ti nakatayannna idinto a ti ISECO driver ket saan a nadangran.
