VIGAN CITY – Kaso a frustrated murder iti sangwen ti lalaki a bimmagkong idi rabii ti September 2, 2021 idiay Barangay Capangpangan, Vigan City, Ilocos Sur.
Nabigbig ti suspek a ni Jimmy Oliva Forges, addan ti husto a tawen, awanan ti trabaho nga agnaed iti nasao a lugar idinto a ti biktima ket ni Angelito Arce, agtawen ti limapulo ket tallo, naasawaan nga agnaed idiay Brgy. Banaoang, Bantay.
Iti pannaki-uman ti Bombo Radyo Vigan ken ni DCOP PLt. Christopher Bueno, nagprubokar ni Arce a mapapati a nabartek iti sangwanan iti waiting shed iti Barangay Capangpangan, Vigan isu a pinasardeng dagiti barangay officials agingga pinanawanda ket bigla lattan a napan ti suspek a ni Forges iti ayanna ket binagkongna iti namin-ano a daras isu a nadundunor iti rupa ken tengnged ti biktima.
Insigida a naipan iti Gabriela Silang General Hospital, Vigan City para iti pannakatamingna.
Patien ni Bueno nga addan iti dati a susik dagiti dua isu a naaramid ti suspek iti nangbagkong iti biktima.
Kabayatanna, kitchen knife iti naaramat a pinangbagkong ti suspek iti biktima.
