--Ads--
Natalgeden ti kasasaad ti maysa a lalaki a biktima iti pammagkong idiay Barangay Vical, Sta. Lucia, Ilocos Sur.
Ti biktima ket agtawen iti tallopulo ket tallo, idinto a ti suspek ket agtawen iti duapulo ket lima, agpada a construction worker ken agnaed iti nasao a lugar.
Agiinom ti biktima ket dagiti gayyemna iti pagtenganda idin ta dimteng ti suspek ket rimsua ti nabara a saritaan iti nagbaetanda ngem naanawa met laeng ida ngem kalpasan ti sumagma,ano a minutos, nagsubli ti suspek a nangbagkong iti biktima iti akin-kannigid a paset ti barukongna.
Naitaray ti biktima iti ospital babaen kadagiti kabagyanna idinto a ti suspek ket naipan met laeng iti ospital para iti medical examination.
-- ADVERTISEMENT --
