Maysa a lalaki idiay Dominican Republic a ni Frank Tavarres ti 22 tawenen a nagpammarang a madre, sakbay a naibutaktak ti palimedna.
Dimmakkel babaen iti panangaywan dagiti madre ta natay dagiti nagannakna iti aksidente
Naamo ti rupana idi ubing pay ta napadakkel a kasla maysa a babai dagiti madre a nangaywan kenkuana ket iti panagdakkelna, naamirisna a maysa isuna a lalaki ngem pinilitna nga intuloy ti biagna iti kumbento kas “Sister Margarita’ tapno saan a mapatakyas.
Iti las ud ti naunday a panawen, inlimedna ti pudno a kinataona babaen iti panangliklikna nga agdigos kadua dagiti sabali a madre ken panagisuot iti nalawa a kawes.
Ngem idi bumaron, nagkursunada kadagiti dadduma a nobisyada ket nasikuganna ti maysa kadakuada isu a kinasapulanna ti umakar iti sabali a kumbento tapno libasan ti inaramidna.
Ti limedna ket naibutaktak idi 1979 idi maysa a mangisursuro ti kumbento ti nakadiskubre ti surat manipud ken ni Silvia ket nakailanad ditoy ti relasyon ken kaadda ti anakda.
