VIGAN CITY – Nagballaag ni Warlito Pula, maysa a mannalon idiay Kinamantirisan, San Ildefonso, Ilocos Sur kadagiti nga agtaktakaw kadagiti mulana a mais nga isardengdan ti daytoy nga aramidda.
Iti pannaki-uman ti Bombo Radyo Vigan ken ni Pula, adda iti igid ti kalsada dagiti dadduma a maisna ket idi mapan koma agpainom iti bakana, nadlawna a nalapsi dagiti bunga ti mulana ken pinili pay dagiti nagtakaw dagiti dakkel.
Kadagiti simmaruno nga aldaw, nadlawna manen a nalapsi dagiti sangapulo ket uppat a bunga ken kunana nga adda pay dagiti nalukatan ngem naibati.
Nupay kasta, kiddawna kadagitoy nga agpurpuros kadagiti bunga ti maisna ta isardengdan agsipud ta ilakonanto pay dagitoy ken abruten dagiti ginasgastona iti panagimula.
VIDEO – WARLITO PULA
