Dead on arrival ti maysa a senior citizen kalpasan a nadungpar ti flammable Wowo tanker iti national highway sakupen ti Barangay Baliw Laud, Sta. Maria.
Ti nagmaneho ti tanker ket agtawen ti uppat a pulo ket innem, residente ti Aparri, Cagayan.
Ti met pedestrian ket lakay nga agtawen ti pitopulo ket dua, residente ti Barangay Danuman West, Sta. Maria.
Maibasar iti imbestigasion, daldalyasaten ti tanker ti bagatan a direksion ket idi nagteng na ti nakapasamakan ti insidente, nadungpar ti tanker ti lakay a nakatugaw iti kalsada.
Napilidan ken naipasirok ti lakay iti lugan a nagsagaba ti dunor iti nadumaduma a paset ti bagi na a dagus a naipan iti balay pagagasan ngem naideklarar a dead on arrival.
Ti met drayber ti tanker ken iti lugan ket adda iti kustodiya ti Santa Maria Municipal Police Station para iti naan-anay nga imbestigasion.
