Nagpanawagan ni Senate President Panfilo “Ping” Lacson iti publiko nga ireport kadagiti otoridad dagiti gasolinaan a nasapa a nagpangina iti presio ti langis sakbay pay ti naituding nga schedule ti oil price adjustment.
Segun ken ni Lacson, ti nasapa a panagpangina ti presio wenno nalabes a panaggatang iti langis tapno makaurnong ket mabalin a panaglabsing iti Downstream Oil Industry Deregulation Act of 1998 ken Consumer Act of the Philippines, a mabalin a madusa dagiti aglabsing iti salinong ti probision kontra iti hoarding, profiteering, ken managgundaway a wagas ti panaglakwan.
Binalakadan ti senador ti publiko nga ireport a dagus iti Philippine National Police ken iti lokal a gobierno dagiti establisimiento nga aglablabsing iti patakaran, ta kunana a napateg ti panagbantay ti publiko tapno masalwadan dagiti aggatang kontra iti panagabuso iti presio.
