Pinasingkedan ni Senator-Judge Panfilo Lacson a saan a mabalin nga ipa-igid ti impeachment court ti linteg iti panangtratar iti kiddaw a malukatan dagiti tax record ni Vice President Sara Duterte.
Segun ken ni Lacson, masapul a sumurot ti impeachment court kadagiti rekisitos ti National Internal Bureau, pakairamanan ti panagala ti nakasurat nga otorisasion ti Presidente sakbay a malukatan ti selyado a “green box” ti Bureau of Internal Revenue a naglaon ti tax records ti bise presidente.
Impaganetget ni Lacson a ti posision na ket nakabasar iti Rule of Law ken saan a ti panag-suporta iti aniaman a panig iti impeachment trial.
Nakatuding a denggen ita a lawas ti impeachment court ti oral arguments mainaig dagiti subpoena para kadagiti rekord ti Bureau of Internal Revenue, Anti-Money Laundering Council, ken dagiti bangko.
