Impaganetget ni Senador Panfilo Lacson ti integridadna kagiddan ti mapapati a pananglagip iti akusasyon kenkuana idi 2001 maipanggep ti ill-gotten wealth.
Segun ken ni Lacson, mapapati nga inaramat idi ni dati Pres. Gloria Macapagal Arroyo ti nalawa a resources iti administrasyon tapno pabasulen isuna, a kabarbaro a nabotosan a senador idi, ti kaadda ti baknang manipod ilegal a droga ken panangidulin iti dakkel a gatad dagiti foreign bank.
Kinuna ni Lacson a saan a nagatras ken pinaneknekanna nga isuda iti madi babaen ti panagpirmana iti formal waiver tapno lukatan iti bank accounts-na.
Pinasingkedanna nga imbabawi met laeng dagiti nangakusar kenkuana pakairamanan da daydi Brig. Gen. Victor Corpuz ken Ador Mawanay, dagiti saritada ken nagkiddaw iti pammakawan iti publiko.
Ti sarita ni Lacson ket kasaruno dagiti immunan a post-na a nangkedkedanna ti alegasyon ni Senador Alan Peter Cayetano maipanggep iti mapapati a panagdoble iti net worth-na.
