--Ads--
Ikonkonsidera ni Senate President Pro Tempore Panfilo Lacson nga agikkat kas chairman ti Senate Blue Ribbon Committee a nakatutok kadagiti maanomalya a flood control projects iti pagilian gapu ti pannakaupayna kadagiti padana a senador.
Segun ken ni Lacson, no ad-adu kadagiti senador ti awan talek ken saan a maragsakan iti trabahona kas chairman ti komite ket nasaysayaat no agikkat laengen.
Inlawlawag pay ti senador a dagiti mangmangngegna a komento manipud kadagiti padana a senador ti mangidurduron kenkuana nga agikkat.
Idi kalman ket inwaragawagna ti temporaryo a pannakasuspenso pay laeng ti blue ribbon committee gapu kadagiti dokumento a saan pay a naisagsagana para iti sumaruno a panagdengngeg.
-- ADVERTISEMENT --
