Pinasingkedan ni Senador Panfilo Ping Lacson nga awan ti makitkita na a pangta na iti liderato ni Senate President Vicente “Tito” Sotto III uray pay adda ti impeachment trial kontra ken ni Bise Presidente Sara Duterte.
Segun ken ni Lacson, agtaltalinaed a majority bloc ti Senado a pakairamanan da Sotto, Lacson, Senate Majority Leader Migz Zubiri, ken dagiti senador a da Bam Aquino, Pia Cayetano, Risa Hontiveros, Kiko Pangilinan, Mark Villar, Camille Villar, JV Ejercito, Lito Lapid, Win Gatchalian, Erwin Tulfo, ken Raffy Tulfo.
Segun ken ni Lacson, ad-adalen ni Sotto ti Rules of Court ken Revised Rules on Criminal Procedure kas panagsagana no matuloy ti impeachment trial.
Responsibilidad dagiti senador nga agserbi a senator-judges iti impeachment trial kas mandato ti Konstitusion.
