Kutsero iti siudad ti Vigan, sumaysayaaten ti pastrekda ita a kaadu ti turista

VIGAN CITY – Namnamaen ni Boyet Amano, presidente iti kalesaan iti siudad ti Vigan nga agtultuloyen ti simmayaat a pamastrekan dagiti kutsero ita a kaadu dagiti turista a bumisbisita iti probinsia kalpasan ti nakaro a pannakaapektarda iti Covid19 pandemic.

Segun ken ni Amano, iti agmalem ket adda ti sangaribo lima gasut a pisos a mapaspastrek dagiti kutsero.

Sisusuporta ti city government kadagiti kutsero babaen ti agtultuloy a panangipaayda iti libre a bakuna, bitamina ket purga para jadagiti kabalyo.

Malaksid dayta, kitkitaen pay ti city veterinary office ti kasasaad dagiti kabalyo para iti kinatalged dagiti turista nga aglugan.

Iti agdama, dua gasut a pisos ti kada oras ti bayad ti lumugan iti kalesa nga aglikmot iti amin a tourist spot.