Magatang idiay Japan ti naibilang nga “smart spoon” a kabaelanna templaen ti taraon nga awan ramanna
Tawen 2022 idi inyanunsyo ti kumpanya a Kirin Holdings a nakicollaborate iti Meiji University tapno agaramid ti smart kitchenwares nga addaan ti ‘taste-enhancing technology’.
Babaen ti panagtitinnulongda ket nakapartuatda ti kutsara, chopsticks ken mangkok a kabaelanna a paimasen dagiti taraon babaen ti electricity.
Ita a tawen, nairuaren iti merkado ti ‘Elecispoon’, kutsara a kabaelannaa a nayunan ti apgad wenno nayunan ti timpla ti taraon
Nupay kasta, nagballaag ti kompanya a saan amin a tao ket mabalin nga agaramat ti elecispoon kangrunaan dagiti adaan ti facial nerve order, adda allergyna iti metal, dagiti tao a nakapsot ti riknana iti temperatura iti maysa a banag, dagiti adda pacemakerna, masikog ken dagiti dumaldalan iti dental treatments.
Aggatad ti smart spoon 19,800 yen (Php7,434) iti maysa a unit
