VIGAN CITY – Sangapulo ket walo a baboy a nailugan ti kurong-kurong ti nasalamaan dagiti barangay tanod idiay Brgy. Tiagan, San Emilio.
Nailagan ti Honda TMX 125 dagiti babboy a minaneho ni Morris Sayo-et agtawen dua pulo ket pito ken ti kadduana a ni Johnson Bagbaguen agtawen tallopulo agpada nga agnaed ti nasao a barangay.
Basar ti report manipod San Emilion Municipal Police Station, nakaawatda iti report inaig dagiti agbibiyahe ti dingwen manipod probinsya ti Abra nga agdalyasat iti Brgy. Tiagan.
Insigida a nangiwayat dagiti otoridad ti check point ngem awan iti napalabasda agingga dimteng iti oras alas dyes singkwenta ti rabii kabayatan nga agpatpatrol dagiti tanod ket naranaanda ti kurong-kurong nga aglaon ti sangapulo ket walo a baboy nga awan ti naananay a dokumentona.
