VIGAN CITY – Naipaagas iti ospital ti maysa a drayber ti kurong-kurong ken ti inluganna gapu ti pannakadungpar kadakuada ti Silver Toyota Hi Ace idiay Zone 4, Bantay kangrunaan iti intersection ti Rizal Dike nga asideg iti Eury Gas.
Nabigbig ti drayber ti kurong-kurong a ni Edmar Viaje, agtawen iti uppat a pulo ket innem, dati a PNP member a taga-Barangay Poblacion Sta. Catalina ken ti inluganna a ni Danny Tabusarers, agtawen iti limapulo ket dua a taga-San Pablo, Sto.Domingo idinto a ti nagmaneho ti Hi Ace ket ni Walter Arellano Mabansag, agtawen iti uppat a pulo a taga-Banna, Ilocos Norte.
Napaspas ti pataray ti Hi Ace nga agpapa-abagatan a direksyon idin ta ti kurong-kurong a naggapu iti laud a paset ti provincial road a bumallasiw nga agpadaya ket nadlawna ti sumungsungad nga Hi Ace isu a nagsardeng ket nadungparna ti kurong-kurong isu a naguyas, iti mano a metro manipud iti point of impact.
Gapu dayta, na-farcture ti paragpag ti drayber ti kurong-kurong, nadunor ti akin-kannigid a luppona ken agalenna ti sakit iti barukongna idinto a ti inluganna ket na-fracture ti pelvic bone na, nadunor iti ulona, ti akin-kannawan a mata, saka, ken agalenna met ti sakit iti siketna.
Nadadael ti akin-likud a pilid, side wheel ken dadduma pay a pasetna idinto a ti van ket nadadael ti front bumper, front hood ken radiator.
Nupay kasta, saan a naan-ano ti drayber ti Hi ace.
