VIGAN CITY – Nadunor iti ulo ni Junmark Peralta Jurnascion, agtawen tallo pulo ket dua, naasawaan nga agnaed idiay Barangay Sacuyya Norte, Santa ta nagdinnungpar iti naglugannna a kuliglig ken ti viron bus a minaneho ni Jose Galao, agtawen ti lima pulo ket maysa, naasawaan nga agnaed idiay Barangay Ayudante, Candon idi malem ti February 8 idiay Barangay Sacuyya Norte, Santa.
Ti pannaki-uman ti Bombo Radyo Vigan kenni P/Capt Samuel Reyes ti Santa Municipal Police Station, naggapo iti amianan a direkyon ti bus a minaneho ni Galao idi bimmallasiw ti kuliglig a minaneho ni Jurnascion iti highway isu a nagpreno ngem nadungparna latta iti kuliglig isu a nadunor iti ulo iti nagmaneho ti biktima.
Nu pay kasta, saan unay a nakaro iti dunor a sinagrap ni Peralta a naitaray iti ospital para iti pannakataming na.
Uray nu mapapati nga adda basol iti nagmaneho ti kuliglig, napilaan latta iti kaso a reckless imprudence resulting in physical injury and damage to property iti nagmaneho ti bus ket piskalyan ton iti maka-ammo a mangtratar iti nasao a kaso.
Nagpalagip ni Reyes kadagiti agindeg iti nasao a lugar a no agmaneho da kadagiti farm machineries da kas kadagiti tractor ken kuliglig, kitaen da a naimbag iti panagballasiw da wennu ti pagnaanda tapnu saan da a madisgrasya ken makadisgrasya.
