--Ads--
Maysa a kubo ti nauram idiay Barangay Baclig, Cabugao, Ilocos Sur.
Iti pannaki-uman ti Bombo Radyo Vigan ken ni Fire Senior Inspector Anthony Val Gary Coloma, Cabugao Fire Marshal, mapapati a nagtaud ti uram iti pannakapuor dagiti nagango a bulong ket kinayamkamna dagiti lupot iti maysa nga storage.
Nadaras a nagkayamkam ti uram gapu ta naaramid laeng babaen iti light materials ti kubo.
Umabot met iti 49,875 ti mapatta-patta a gatad dagiti nauram a sanikua.
-- ADVERTISEMENT --
Awan ti nadangran iti uram ken awan dagiti nairaman a sabalin.
