Mabalinen a makaala ti civil service eligibility dagiti kualipikado a nabotosan ken nadutokan nga opisyal ti Sangguniang Kabataan (SK) nga adda iti nasayaat a takder kas impakaammo ti Civil Service Commission (CSC).
Maibasar ti CSC Resolution No. 2500752 wenno Rules Governing the Grant of Eligibility to SK Officials a naiwaragawag idi July 24, 2025, dagiti SK officials a nakaserbi iti tallo a tawen a termino wenno katukadna ket mabalin a maipaayan iti Sangguniang kabataan Official Eligibility (SKOE).
Ti SKOE ket katukad ti eligibility para ti first-level positions iti career service, malaksid kadagiti posisyon a sakup ti board laws wenno agkasapulan ti special eligibility.
Segun ken ni CSC Chairperson Marilyn Yap, ti nasao a pribilehio ket maipaay laeng kadagiti duly elected ken appointed SK Officials kas panangbigbig iti napateg nga akemda kadagiti agtutubo iti nation-building ken kontribusyonda iti serbisyo publiko.
Sakup ti SKOE dagiti opisyal a nagtakem iti bileg ti Republic Act No. 11768 wenno Sangguniang Kabataan Reform Act of 2015 nga epektibo idi June 1, 2022.
