--Ads--
Maysa a kotse ti saanen a naisubli kalpasan nga inarkila ti maysa a babai idi Agosto 29, 2026 idiay Barangay Bayubay Sur, San Vicente, Ilocos Sur.
Segun iti biktima a lalaki nga agtawen iti limapulo ket uppat, inkari ti suspek a bayadanna a buo ti upa kalpasan ti makabulan a katulagan.
Ngem nupay kasta, saanen a naisubli ti lugan kalpasan ti rental period.
Napukaw payen iti GPS tracking ti silver metallic a Toyota Vios, ken saanen a makontak ti cellphone ti suspek a babai a taga-Cauayan, Isabela.
-- ADVERTISEMENT --
Agim-imbestigar ti kapulisan, ken agisagsaganadan kadagiti dokumento para iti kaso a maipila kontra iti suspek.
