Dua ti nadangran iti napasamak nga aksidente iti national highway ti Barangay Suso, Sta. Maria, Ilocos Sur.
Ti Toyota Corolla ket minaneho ni Adrian Corsiga Angeles, agtawen iti duapulo ket siam, inluganna da John Kennedy Corsiga Alcantara, agtawen iti duapulo ket siam; Kathleen Jopheny Angeles Vinuya, agtawen iti duapulo ket maysa ken dua a menor de edad nga agtawen iti maysa ken uppat, agpapada a taga-Barangay Allaga, Nueva Ecija.
Ti met Isuxu Dropside Truck ket minaneho ni Crispulluo Cudal Corrales, agtawen iti duapulo ket innem, taga-Barangay 51-B Nangalisan, Laoag City, Ilocos Norte.
Agpapa-amianan ti kotse idinto a ti trak ket nakaparking iti outer lane ti northbound road.
Nagdungsa ti drayber ti kotse ken naidungpar iti nakaparking a trak.
Gapu dayta, nadunor ti agong ti drayber ti kotse, ken maysa met kadagiti pasahero a ni Alcantara ti nadunor iti akin-kannigid a pingpingna ken baba ti matana.
Agpapada a naipaagasda iti ospital para iti pannakatamingda idinto a saan a naan-ano ti drayber ti trak.
