VIGAN CITY – Maysa a kotse ken van iti nairaman iti aksidente iti national highway idiay Brgy. Bagani Campo, Candon City.
Segun ti Candon City Police Station, dagiti karaman ket ti kotse a minaneho ni Calvin Kei Villalobos, agtawen iti duapulo ket innem, naasawaan, Adminsitrative Assistant 3 iti DepEd Division Office nga agnaed idiay Brgy. San Nicolas, candon City idinto a ti nagmaneho ti van ket ni Dexter Piswec, agtawen iti tallopulo ket uppat, naasawaan, mannalon nga agnaed idiay Brgy. Sibsibbu, San Emilio.
Maibasar iti pakpaka-una nga imbestigasyon, naggapu iti arko iti Brgy. Bagani Campo ti nagmaneho iti kotse ken sumrek iti national highway ta agturong iti bagatan a direksyon idinto a ti van ket naggapu iti amianan a direksyon iti national highway nga agturong iti bagatan a direksyon a nagilugan iti pasyente nga agkasapulan ti medical attention idin nadanonda iti nasao a lugar ket nag-over take ti van iti maysa a tricycle a gappuanan ti pannakaidungparna iti kotse.
Agpada a naipan iti Candon City Hospital dagiti nagmaneho para iti medical examination pakairamananen ti pasahero iti van para iti pannakatamingna.
Kabayatanna, saan pay nga ammo nu mano ti gatad iti nadadael a paset dagiti lugan a nagdinnungpar.
