VIGAN CITY – Pinaltupaltugan dagiti saan pay a nabigbig a suspect iti kotse a nakaparking idi rabii idiay Brgy. Guimod Norte, San Juan.
Segun ti San Juan Municipal Police Station, nakaawat da iti tawag manipdo kadagiti agnaed ti nasao a barangay nga adda iti nangngeg da a putok iti paltog iti pagtaengan da Antonio Villahermosa Urbis agtawen innem a pulo ket uppat a dati a kapitan ti Brgy. Guimod Norte.
Nagresponde a dagus dagiti pannakabagi ti linteg ket naduktalan da a ti Mitsubishi Mirage G4 nga agmaris ti gray ket namin lima a daras a pinaltugan dagiti saan pay a nabigbig a suspect.
Nakarekobre dagiti pulis ti lima a basyo ti caliber 45 iti crime scene ket agtultuloy iti imbestigasyon dagiti otoridad inaig iti motibo dagiti suspect.
Kinumpirmaran ti pamilya Urbis nga anak da ti maysa kadagiti nakemmeg a miyembro ti New People’s Army a ni Ranny Velle Urbis a sumangsango ti kaso a Frustrated Murder idiay Sta. Lucia ken nakaawat da ti death threat iti napalpalabas.
