Inyanunsyo ti Department of Justice a maisublin iti Pilipinas ni former Negros Oriental Congressman Arnolfo Teves kalpasan nga inaprubaran ti korte idiay Timor Leste ti extradition request ti pagilian
Segun kenni DOJ Assistant Secretary Jose Dominic Clavano IV., inkiddaw ti pagilian ti extradition ni Teves sipud pay idi napan a tawen .
Ni Teves ket nawaya-wayaan manipud iti house arrest idi June 21 kalpasan nga inaresto dagiti otoridad idiay Timor Leste idi March 21 kalpasan ti pannakaipaulog ti Interpol ti red notice kontra kenkuana.
Sumangsango ni Teves iti 10 a kaso a pammapatay, 12 a kaso a frustrated murder ken uppat a kaso ti attempted murder kalpasan ti pammaltog ken panangpapatay kenni Governor Roel Degamo ken siam pay a tattao idi 2023.
