Pinainget pay ti Bureau of Customs ti koordinasion iti agduduma nga ahensia ti gobierno ken dagiti environmental organization.
Daytoy ket mainaig iti kontrobersial a patangan mainaig iti mapapati a kargamento ti electronic waste (e-waste) a dimmalan idiay Subic.
Segun ti BOC, agisayangkat da ti maysa a taripnong inton Hulyo 6 tapno lawlawagan ti akem ti ahensia, masigurado a masurot dagiti linteg ken regulasion ken matratar ti posible a legal ken praktikal nga addang iti isyu.
Karaman iti naimbitaran para iti taripnong ket dagiti mangibagi ti Office of the Solicitor General (OSG), Department of Environment and Natural Resources (DENR), Philippine Economic Zone Authority (PEZA), Department of Foreign Affairs (DFA), Department of Justice (DOJ), ken Subic Bay Metropolitan Authority (SBMA).
Makipaset pay dagiti sumagmamano nga environmental groups kas ti Basel Action Network, Sustainable Electronics Recycling International, ken Ecowaste Coalition.
