--Ads--
Nasurok kumurang maysa milion a pisos ti tinakaw dagiti saan pay nabigbig a suspek idiay Suyo Multipurpose Cooperative, Barangay Rosario, Cervantes, Ilocos Sur.
Nakaawat ti Cervantes Municipal Police Station iti tawag manipud ken ni Jonah Cada Carl Millano, empleado ti kooperatiba a natakawanda isu a aagus a nagresponde dagiti pannakabagi ti linteg.
Idi madanonda ti lugar, pinasingkedan ti Administrative Aide ti establisimiento a ni Ian Ace Somera Pacapac nga iti alas dos itay parbangon (Marso 7, 2025) idi bimmaba iti ground floor, nadlawna a nalukatan ti roll-up-da, isu a dagus a nagpatulong iti kaopisinaanna a ni Millano.
Nadadel ti vault ket segun iti bookkeeper a ni Lea Pacdog Pascua, naitaray ti nasao a gatad.
-- ADVERTISEMENT --
