VIGAN CITY – Kiniddaw ni Governor Ryan Singson iti kooperasyon ken pannakaawat dagiti umili kadagiti executive order nga imparruar a masapol a suruten dagiti umili.
Iti pannaki-uman ti Bombo Radyo Vigan kenni Singson, saan a panangparigat kadagiti tattao iti inyetnagna a pagannurutan no ketdi kayat da a protektaran iti tumunggal maysa kontra ti COVID19 saan lang a ti bagi da no ketdi iti pamilya ken amin nga agnaed ti Ilocos Sur.
Manipod nangrugi ti pandemya strikto iti panangbantay ti border ken implementasyon dagiti pagannurutan iso a nagtalinaed a ti Ilocos Sur iti kababaan iti kaso ti COVID19 iti intero a region 1.
Innayon ti opisyal a kakaasi dagiti frontliners nga agbanbantay ken manglablaban iti nasao a virus iso a masapol a tungpalen ken sumurot dagiti tattao iti kayat ti gobyerno probinsya.
