Imparit ni Presidente Ferdinand Marcos Jr dagiti nayon a singir ken dagiti kontribusion kadagiti pampubliko a pagadalan, nangruna iti panawen ti graduation dagiti estudiante.
Segun ken ni Marcos, paset daytoy dagiti wagas tapno saan a manayonan ti padagsen dagiti nagannak nangruna kadagitoy a panawen a nakaro ti epekto ti nangina a presio ti produkto-petrolyo kadagiti umili.
Masapul pay a matutukan ti kasasaad dagiti agtutubo babaen iti saanen a panangnayon iti mabayadan dagiti estudiante.
Kagiddan dayta, inwaragawag ti Presidente ti panangrugi ti Serbisyo Fair ti Department of Education a dagiti ahensia ti gobierno ken dagiti employer ti mapan kadagiti pagadalan tapno maka-apply iti trabaho dagiti senior high student nga agturpos ita nga school year.
