VIGAN CITY – Inkari ni Narvacan councilor Joven Ampo a tulungan da iti pamilya ni Jerwin Almario, ti lalaki nga agtawen ti innem a natay ta kinagat iti dakkel nga uleg idi pinidot na ti piso a nakita na iti abot nga asideg iti pagtaengan da idiay Barangay Parparia, Narvacan.
Nagawid a naggapu iti pagadalan ni Almario idi adda nakita na a piso iti abot nga asideg iti pagtaengan da ket idi pinidot na, kinagat metten iti uleg.
Idi ginuyod ti ubing iti ima na iti abot, sikakagat pay laeng ti uleg ngem nagsubli met laeng iti abot a naggapuan na.
Saan nga insigida a naipan iti ospital ti biktima ta inpan pay dagiti nagannak na iti mannumang gapu iti pammati da a maisalbar iti biyag ti ubing ngem kinuna ti mannumang a nagwarasen iti gita iti uleg iti bagi ti ubing.
Gapu iti dayta, idi naidanun idiay ospital ti biktima, naidekleraren a dead on arrival ngem saan pay nga inyawid dagiti nagannak na ta inpan da pay laeng ti maysa pay a mannumang idiay Bulanos, Narvacan ta namnamaen da nga agbiyag pay ngem kas iti immunan a napanan da a mannumang, saan met laeng a naisalbar iti ubing.
► Grade 1 pupil sa Ilocos Sur, patay matapos tuklawin ng ahas nang pulutin ang piso na nahulog sa butas sa labas ng kanilang bahay
Ti agdama, nakaimasayagen iti bangkay ti biktima iti pagtaengan da idiay Barangay Parparia, Narvacan.
