Konsehal idiay Tuguegarao City, naipasango iti pammabalaw gapu iti mapapati a panagaramatna iti ChatGPT iti imbasana a kararag

Sumangsango iti pammabalaw ti maysa a konsehal idiay Tuguegarao City ta nadlaw dagiti netizen ti kasla panagaramatna iti ChatGPT iti binasana a kararag iti maysa a sesyon.

Binasa ni Tuguegarao City Councilor Grace Arago ti kararag iti 9^th City Council Regular Session idi Martes, June 17.

Nadlaw dagiti netizen a naggapu ti kararag iti ChatGPT wenno AI ta uray dagiti instructions ket binasana kas ti “Feel free to modify this prayer or tailor it to your specific needs and benefits.”