--Ads--
Nangilatang ti Kongreso iti P2.5 billion iti salinong ti 2026 General Appropriations Act tapno mapapigsa ti cancer prevention ken patient care iti pagilian.
Iti daytoy a gatad, P1.5 billion ti nailatang para iti Cancer Assistance Fund ken P1 billion para iti Cancer Control Program, segun ken ni House Minority Leader Marcelino Libanan.
Gagem ti Cancer Assistance Fund a mangted ti pinansial a tulong para iti cancer screening, diagnosis, ken panagpaagas, nangruna kadagiti pasyente a saanna kabaelan ti aggastos ti pagpaagasna.
Kabayatanna, nakapokus ti CCP iti prevention, long-term care, panaggatang iti agas, therapy, ken palliative services.
-- ADVERTISEMENT --
