--Ads--
Kayat ti Kongreso nga adalen ti pannakaipatungpal ti Republic Act 11476 wenno GMRC and Values Education Act gapu iti agsasaruno a pasamak ti kinaranggas a nakairamanan dagiti estudiante.
Segun ken ni CIBAC party-list Rep. Bro. Eddie Villanueva, kasapulan nga ammuen no epektibo ti maipatpatungpal a linteg iti panangmuli iti nasayaat nga adal ken karakter dagiti agtutubo, nangruna iti baet dagiti insidente ti kinaranggas kadagiti pagadalan.
Nagpanawagan pay ti kongresista iti pannakitinnulong ti DepEd, dagiti pagadalan, nagannak, komunidad, media ken dadduma pay a sektor.
Dayta ket tapno mapabileg ti disiplina, respeto, ken panangipateg iti biag dagiti estudiante.
-- ADVERTISEMENT --
