Inallukoy ti Surigao del Sur Representative Johnny Pimentel ti Philippine National Police nga aramidenda amin a kabaelanda tapno marecover ti P200 million ransom nga imbayad ti pamilia ti negosyante a ni Anson Que, a nadukot ken pinatay dagiti suspek.
Segun ken ni Pimentel, ti saan a pannakaisubli ti ransom ket mangallukoy kadagiti kriminal a sindikato ket addanto latta ti kinaranggas ken exploitation.
Innayonna a ti kuarta ket nasken a mapasubli iti pamilia ni Que.
Idi Abril 10, kinumpirmaran ti Department of the Interior and Local Government a ti bangkay ni Que ken ti drayberna a ni Armanie Pabillo ket nasarakan idiay Rodriguez, Rizal. Nagpatulong met ti PNP iti Anti-Money Laundering Council (AMLC) ken dadduma pay nga ahensia tapno masarakan ti cryptocurrency payments kadagiti kidnapper
