VIGAN CITY – Inallukoy ni Anakalusugan Partylist Rep. Mike Defensor dagiti Overseas Filipino Worker a saanda pay laeng nga agbayad ti PhilHealth kagiddan iti isyu a kurapsyon iti ahensya.
Iti pannaki-uman ti Bombo Radyo Vigan ken ni Defensor, rumbeng laeng nga ikkan isuda iti panawen tapno simpaen dagiti parikot a nakainaigan iti ahensya ket saanda pay laeng nga agbayad kasaruno iti pannakasuspenso iti connection dagiti OFW.
Kiddaw ni Defensor ken ni PhilHealth President ken CEO Ricardo Morales a rumbeng laeng a masukatan iti case rate policy ti ahensya nga isu iti pagtataudan iti panagkurimes ta sibubukel a mabaybayadan ket saan a maibasar iti actual a ginastos ti pasyente.
Patien pay ti kongresista nga adda iti panagkinnusabos ti PhilHealth ken ospital inaig iti nasao nga over payment ti ahensya.
